தீர்மானம்
தள்ளாத முதிய பெரியவர்.
மகனால் பெருந்துயர் அனுபவித்தவர்.
கடுமையான கருத்து வேறுபாடு.
புத்திரனிடம் அடி வாங்குவது
எத்தனை துரதிர்ஷ்டம்?
நெஞ்சே ரணமான நிர்க்கதியான நிலை.
ரொம்ப படுத்தி எடுத்து விட்டான்.
தண்ணிய போட்டுட்டு தெருவில நின்னு கண்டபடி வெண்ட வெண்டயா திட்டுவான்.
முதுமையில் நிம்மதியிழந்த பெரியவர் வெறுத்துப் போய் சொன்னார்
"அவனை வீட்டை விட்டு போகச் சொல்லிட்டேன்"
அப்படி நடக்கவில்லை.
தொடர் துயர்.
Filial ingratitude.
அருவருப்பாக குமுறும் மனதை வெளிப்படுத்தினார்.
"இவன் எனக்கு பெறந்தவனே இல்ல."
"நல்லா தெரியிது. சந்தேகமே கிடையாது. இவன் எனக்கு பெறந்தவனே இல்ல."
"கொழந்த பெறந்தப்ப பிரசவ ஆஸ்பத்திரியில் ஏதோ தவறு நடந்திருக்கு.
எங்க கொழந்தக்கு பதிலா கவனக்கொறைவா வேற கொழந்தய மாத்தி வச்சிருக்காங்க. சந்தேகமே இல்ல. இவன் எனக்கு பொறந்தவனே இல்ல. நல்லா யோசிச்சித்தான் தீர்மானமா சொல்றேன்."
